JERUNG..bilis..AyE UtUk

Salam..
Ambo baru ado maso sikit utk buat posting..gege riuh betol pasal Jerung vs Bilis..pasal aye utuk(kawe trauma tahap gilo doh istilah ni)..

Pasal Jerung denga bilis tu bagi kawe tok timbul sangat la..kalu niat seseoghe tu nok main catur utk tujuan memajukan sukan catur..mmg xdok masalah..bagi ambo sendiri, ambo gi main catur sebab utamanyo nok jupo saing-saing lamo jah..time ado tourney la maso sesuai utk jupo geng2 catur..kalu nok harap jupo maso lain tu meme dok doh mugo masing2 ado komitmen lain pulok...Kawe ni kecek sajo jah nih..KC2011 kawe tok gi pun...hok tahun lepah pun x gi jugok..hok kenal ambo dio akan pehe la bakpo ambo tok gi main..hok tok kenal gak akan mengato mace2 la kot..("kecek sajo jah panda,main dok stabok")..loh gi lah puok-puok demo..

Hok menimbulkan jerung bilis nih bagi ambo hok main semato-mato utk dapat hadioh...hok tokleh terima kenyataan..bagi ambo..makin banyok kito lawe hok lebih kuat pado kito, makin cepat kito meingkat..hok ni meme ambo sendiri akui..permaine catur ambo meningkat secaro mendadok bilo ambo masuk team UTM..sebelum masuk team, level ambo tahap bilis hok oghe buat sambal tumis jah..bilo masuk team UTM, main dengan set-set jerung hok ganas-ganas, meme automatik buleh meningkat..hok peting jange takut jah..lawe denge jerung ni takdok tekanan pun..mugo kito bilis jah gak..kaloh pun takpo..dok beraso mano..mugo jerung tokleh nok kunyoh bilis,paka telan terus jah mugo halus telajok..mako bilis pun tokla sakit sebab tok keno kekoh..teori ambo tuh.."Jerung makan bilis, bilis tak sakit"..hahaha..

Dalam team UTM dulu sapo tok takut...ado ramai hok soho..Nik Ahmad Farouqi sendiri pun dalam team ambo jugok..ado lagi Wong Zi Jing, Marcus Chan, Mak Weng Yee, Taulani Tukiran, Teng Wei Koon, Zulkifli Ishak, Wan Mohd Fuad...ado jugok set barbat Nasero..puok-puok demo cubo baye la lagu mano..set Jerung sajo..pah gak nok buat guano..ambo sendiri pun masuk team UTM B jah..set-set reject..tapi takpo lah mugo permaine buleh meningkat..tapi dulu Nik A.Farouqi takut skakloh dengan ambo..dio takut ko kudo ambo..liar dio kato..loni dio meningkat jauh doh..sebab dio selalu main dengan bapok-bapok jerung etek...hok ambo lekat badi sokmo dengan Taulani jah..tok tau bakpo jadi ibarat "Aye Utuk" kalu lawe Taulani..kalu de dio buat "ehem..ehem gak"..buleh resign doh tuh...ayat hok ambo paling takut bilo dio kato "kurang faham..tiada apa-apa tuh"...soh-soh lembik tekok..

Oloh..panje doh nih...nati ambo post smula lah pulok pasal AYE UTUK..BadBishops duduk senyap dulu tuh!